خالد جبريل يكتب.. سعن نديان🔥الرسوم الباهظة والقوانين المصاحبة بالمحليات سيف بتار مسلط علي رقاب التجار فهل من خيار؟

تجولت اليوم داخل سوق ربك الكبير استفزني العفن اللئيم المشاكس العنيد الذي ظل يتبعني من مربع الي مربع ولم تغب من عيني مشاهدتراكم المياه وعدم وجود صرف صحي مطابق للمواصفات فالطين يتسيد المشهد و(البرجوبة) هي التي تستقبل المتبضعين واوساخ وروائح نتنة وبرك مياة معفنة للغاية حالة تشمت العدو .
دلفت الي متجر كبير للمواد الكهربائية والوابورات وغيرها حيث تجاذبت اطراف الحديث مع صاحبه باعتباري مشتر
حيث تحدث معي بحنق شديد علي سلطات محلية ربك ورسومها المبالغ فيها وقال لي حرفيا
(والله المحلية كرهتنا الشغل كل يوم ينطوا ليك متحصلين ويقطعوك ايصالات انت زاتك مابتكون عارفها ياخي الكرتونة الصغيرة دي رسوم المحلية بس فيها 18ألف جنيه وكمان لو مشيت المخزن فتحتو كدا بتلقي واحد مطلع ايصالوا وكمان لو رفعت ليك سلعة من المخزن مابتنجا منهم ياخي ديل عذبونا عذاب صدق في نقطة تحصيل عسلاية العربات بالصفوف رسوم مامعروفه زاتها هي رسوم. شنو سالتو قلت ليهو يعني الضرائب صعبة قال لي الضرائب ماعندها مشكلة عندهم 17 % بشيلوها وتاني مابظهروا ليك نهائي قلت ليهو اذا ارتفاع سعر صرف الدولار وخاصة الجمركي قاطعني قال لي لا الدولار الجمركي مامؤثر خالص تاني قاطعتوا قلت ليهو عايز اعرفك بنفسي معاك اخوك الصحفي خالد ودالتجاني وكلامك دا بعتبرو شكوي قال لي ياخ الشكوي لله بس مافي اي زول بسال زول
طوالي غير قعدتو وقال لي ياستاذ نحنا المحلية ورسومها المتعددة هي المرهقانا شديد خالص ياريت يراعو لظروف التاجر يارت صوتنا دا يصل للمسؤولين واولهم الاخ الوالي نطالبو يراجع الاوامر المحلية بالمحليات دي اس المشاكل وقال ايضا ( انا شهريا محلية ربك دي بتشيل مني 30مليار دي رسوم بس للمحلية فقط في الشهر 30مليار نعم 30مليار) قلت له دي ماكتيرة قال لي الحمد لله بس
# ذهبت الي تاجر اخر تاجر سكر وشاي وزيت بالاجمالي تحدث ايضا بحسرة قائلا (نحنا متضررين من رسوم المحلية كتيرة خالص ياخي شوال البن دا رسوم المحلية فيهو قرابة ال21ألف ماممكن اي حاجة رسوم رسوم وباهظة ممكن رسم واحد غير مؤقر يريحنا والله يسهل الامور بس )
وكما تتابعون اليوم تم اغلاق سوق مدينة الدويم بصورة كاملة من قبل الغرفة التجارية امام الجمهور بسبب الرسوم الباهظة والمتعددة المفروضة علي التجار في ظل الكساد الخاصل ومن قبل حضرت اجتماع لوزيرة المالية والغرف التجارية بكل محليات الولاية حيث اشتكت الغرفة التجارية الدويم من فرض رسوم جديدة علي السلع وقالوا هم كانوا ياملوا ان يتم تخفيض الرسوم القديمة اذا بهم يتفاجأوا برسوم اضافية جديدة واكدوا انها ستؤثر علي السوق والتاجر والمواطن وهددوا باغلاق السوف من داخل الاجتماع وهاهم الان ينفذون تهديدهم وتابعوا (لو ماعملتو معالجة لمسالة الرسوم ديفي النهاية نحنا الا نقفل دكاكينا دي ونقعد نتفرج لانو التاجر بخسر)
لكن يبقي السؤال الاهم ماذنب المواطن البسيط الذي يات من القرية للتبضع ويجد السوق مغلق؟؟ ماذنبه!؟!! ماذنب صغاره؟؟! ماذنب زوجته المريضة التي تنتظر الدواء؟!!
من خلال السعن اطالب حكومة الولاية بالجلوس الي التجار والتفاهم معهم في تحديد رسم معين معقول ومقبول لايضر بالطرفين ولابد من ايجاد علاج وناجع لمسالة القوانيين المصاحبة بالمحليات التي هي التفاف علي القوانيين التي لايجيزها مجلس الوزراء فيرجعون الي مكاتب المحلية ويفصلونها علي مقاس المحلية و باسم جديد ويطبقونها.
الرجوع للحق فضيلة والمواطن لاذنب له في هكذا صراع بين التجار والمحلية!!!!
ايها الحكام والمحكومين خافوا الله في خلقه لاتنسوا هازم اللذات فانه فريب يتربص بالجميع
اللهم اني بلغت فاشهد
الله يفر